Om
Swastyastu
Melarapan
swala patra puniki lugrahayang titiang prajuru matur pengaksama ring Umat
Hindhu Sedharma penyungsung Ida Bhatara ring Luhur Pucak Padang Dawa. Riantukan
warsane puniki kelaksanayang parikrama wewangunan ring wewidangan Utamaning Mandala
rauh ring Madyaning Mandala Kahyangan Luhur Pucak Padang Dawa. Kepastikayang wewangunan inucap
nenten prasida puput sadurung anjek pujawali nemonin Buda Keliwon Pahang sane
jagi rauh puniki.
Nganinin separiindikan daging pabuat inucap,
titiang para angga prajuru sampun nauhin para nayaka krayaning para
pangelingsir puri iring titiang mapawilangan separiindikan daging babuat
nganinin panamaya pujawali kelaksanayang wantah sekadi ring sor :
1.
Parikrama pujawali kanjekan Buda Keliwon Pahang
sane jagi rauh puniki nenten memargi pujawali jelih, wantah pujawali alit utawi
upakara nenten mejaba jero turmaning aed upacara wantah memargi arosan.
2.
Pewayangan/Pralinggan Ida Bhatara ring Luhur
Pucak Padang Dawa nenten ketangiang turmaning nenten kairing ngunya nodya
panjak.
3.
Pewayangan/Pralinggan Ida Bhatara sane melingga
linggih ring ring penyiwian Ida soang-soang nenten kairing lunga katuran
pujawali ring jogan Ida Luhur Pucak Padang Dawa.
Inggih kadi sapunika mungguing
daging pengaksaman titiang gumanti ledang para manggala sinareng sami
ngaksamayang indik kawentenan ring Kahyangan, dumugi sangkaning pawewecan Ida
prasida ngamolihang kerahajengan lan jagaddhita.
Om Çantih Çantih Çantih Om
Tidak ada komentar:
Posting Komentar